Толгойтын хөл бөмбөгийн талбай бүхий спорт цогцолборын барилга угсралтын ажил 75 хувьтай үргэлжилж байна.
Нийтэлсэн огноо: 2025-07-04
Улсын төсвийн хөрөнгө оруулалтаар СХД-ийн 3 дугаар хороонд хөл бөмбөгийн талбай бүхий спортын цогцолбор барьж буй. Барилга угсралтын ажил өнөөдрийн байдлаар 75 хувийн гүйцэтгэлтэй үргэлжилж байна.
Тус цогцолбор нь хөл бөмбөг, сагсан бөмбөг, газрын теннис, чийрэгжүүлэх төхөөрөмж бүхий зориулалтын талбайнуудтай. Ашиглалтад орсноор хүүхэд, залуучууд, иргэд чөлөөт цагаа зөв боловсон өнгөрүүлж, эрүүл, чийрэг бие бялдартайгаар өсөж хүмүүжих нөхцөл бүрдэх юм. Цогцолборын барилга угсралтын ажлыг “Аглут” ХХК гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Сүүлийн нийтлэлүүд
Холбоосууд
