Сургалтын зорилго нь нийслэл дэх төрийн өмчийн 541 хуулийн этгээд, нийслэлийн өмчит 933 хуулийн этгээдэд “Төрийн болон орон нутгийн өмчийн нэгдсэн цахим систем ”-ийг нэвтрүүлэх, цаашид өмчийн харилцааны  бүхий л үйл ажиллагааг цахимаар, ил тод нээлттэй зохион байгуулахад оршино.

Сургалт нь төрийн болон орон нутгийн өмчийн бүртгэл, ашиглалт, хяналт шалгалт, удирдлага зохицуулалт, компанийн засаглал, хууль тогтоомжийн  зохицуулалт, төрийн болон орон нутгийн өмчийн нэгдсэн системийн нэвтрүүлэлтийн практик сургалт гэсэн агуулгын хүрээнд нийслэлийн 4 байршилд 6 удаагийн зохион байгуулалтаар хийж дууслаа. Үүнд:

• Налайх дүүргийн Соёлын ордонд Багахангай дүүргийн 25 хуулийн этгээд, Налайх дүүргийн 50 хуулийн этгээд;
• Багануур дүүргийн Засаг даргын тамгын газрын хурлын танхимд тус дүүргийн 40 хуулийн этгээд;
• Соёлын төв өргөөнд Чингэлтэй дүүргийн 130 хуулийн этгээд, Баянгол дүүргийн 111 хуулийн этгээд, Сонгинохайрхан дүүргийн 162 хуулийн этгээд, Сүхбаатар дүүргийн 113 хуулийн этгээд;
• Монголын хүүхдийн ордонд Баянзүрх дүүргийн 178 хуулийн этгээд, Хан-Уул дүүргийн 124 хуулийн этгээдийг төлөөлж нийт 4000 гаруй албан хаагчид хамрагдлаа.

НИЙСЛЭЛИЙН ӨМЧИЙН ХАРИЛЦААНЫ ГАЗАР